· ಕೃಷಿ ವಲಯನುಸಾರಅಧಿಕ ಹಸಿರು ಮೇವಿನ ಇಳುವರಿಗಾಗಿ ಉತ್ಪಾದನಾ ತಾಂತ್ರಿಕತೆಗಳನ್ನು ಅಭಿವೃದ್ದಿಪಡಿಸುವುದು

· ಕೃಷಿ ಅರಣ್ಯ ಹುಲ್ಲುಗಾವಲು ಅಭಿವೃದ್ದಿಗೆ ತಾಂತ್ರಿಕತೆಗಳನ್ನು ಅಭಿವೃದ್ದಿಪಡಿಸುವುದು

· ಮೇವಿನ ಹಸಿರು ಗಿಡ ಮರಗಳ ಬಗ್ಗೆ ಹೆಚ್ಚಿನ ಸಂಶೋಧನಾ ಕೈಗೊಳ್ಳುವುದು

· ಸಾವಯವಕೃಷಿಯಲ್ಲಿ ಮೇವು ಉತ್ಪಾನಾ ತಾಂತ್ರಿಕತೆಗಳನ್ನು ರೂಪಿಸುವುದು

· ಬಯೋಪೋರ್ಟಿಫಿಕೇಷನ್ ಹಾಗೂ ನ್ಯಾನೊ ತಾಂತ್ರಿಕತೆಗಳ ಅಳವಡಿಕೆ ಅಧ್ಯಾಯನ

· ಸಮಸ್ಯಾತ್ಮಕ ಮಣ್ಣುಗಳಲ್ಲಿ ಮೇವು ಉತ್ಪಾದನಾ ತಾಂತ್ರಿಕತೆಗಳನ್ನು ಅಭಿವೃದ್ದಿಪಡಿಸುವುದು

· ಜಲಕೃಷಿ ಮೇವು ಉತ್ಪಾದನಾ ತಾಂತ್ರಿಕತೆಗಳನ್ನು ಅಭಿವೃದ್ದಿಪಡಿಸುವುದು

· ರೈತರಿಗೆ ಮೇವು ಬೆಳೆಗಳ ತಳಿಗಳು ತಾಂತ್ರಿಕತೆಗಳು ಮತ್ತು ಶೇಖರಣೆ, ಸಂಸ್ಕರಣೆ ಬಗ್ಗೆ ತರಬೇತಿ ನೀಡುವುದು

· ಕ್ಷೇತ್ರ ಪ್ರಯೋಗಗಳ ಮುಖಾಂತರ ರೈತರಿಗೆ ಮೇವು ಬೆಳಗೆಳ ಬಗ್ಗೆ ಅರಿವು ಮೂಡಿಸುವುದು

· ಅಧಿಕ ಇಳುವರಿಗಾಗಿ ಸುಧಾರಿತ ಬೇಸಾಯ ಕ್ರಮಗಳಾದ ಪೋಷಕಾಂಶಗಳ ನಿರ್ವಹಣೆ, ಮೇವು ಬೆಳೆ ಪದ್ದತಿಗಳನ್ನು ಗುರುತಿಸುವಿಕೆ. ನ್ಯಾನೋ ತಾಂತ್ರಿಕತೆಗಳ ಬಳಕೆ ನೀರು ನಿರ್ವಹನಾ ತಂತ್ರಜ್ಞಾನಗಳು, ಲಘು ಪೋಷಕಾಂಶಗಳ ಬಳಕೆ ಹಾಗೂ ಜಲ ಕೃಷಿಯಲ್ಲಿ ಮೇವು ಉತ್ಪಾದನೆ ತಾಂತ್ರಿಕತೆಗಳನ್ನು ಅಭಿವೃದ್ದಿಪಡಿಸುವ ಅಧ್ಯಾಯನ

ಮೇವಿನ ಅಲಸಂದೆ ತಳಿ (ಎಂಎಫ್‌ಸಿ -08-14)

 ಈ ತಳಿಯನ್ನು ವಲಯ ಕೃಷಿ ಸಂಶೋಧನಾಕೇಂದ್ರ, ವಿ.ಸಿ.ಫಾರಂ, ಮಂಡ್ಯ ಕೃವಿವಿ ಬೆಂಗಳೂರಿನಿಂದ ೨೦೧೪ ನೇ ಇಸವಿಯಲ್ಲಿ ಬಿಡುಗಡೆಗೊಳಿಸಲಾಯಿತು. ಈ ತಳಿಯು ಅಧಿಕ ಹಸಿರು ಸೊಪ್ಪಿನ ಇಳುವರಿ ಸಾಮರ್ಥ್ಯ ಹೊಂದಿರುವುದರ ಜೊತೆಗೆ (೨೦೦.೧ ಕ್ವಿ/ಹೆ) ಉತ್ತಮ ಕಾಳಿನ ಇಳುವರಿ (೭.೪ ಕ್ವಿ/ಹೆ) ಹೊಂದಿದೆ ಮೇವಿನ ಅಲಸಂದೆ ತಳಿ (ಎಂಎಫ್‌ಸಿ ೦೯-೦೧) ಈ ತಳಿಯನ್ನು ವಲಯ ಕೃಷಿ ಸಂಶೋಧನಾಕೇಂದ್ರ, ವಿ.ಸಿ.ಫಾರಂ, ಮಂಡ್ಯದಲ್ಲಿ ಅಭಿವೃದ್ದಿಪಡಿಸಿ ದಕ್ಷಿಣ ಭಾರತದ ರಾಜ್ಯಗಳಲ್ಲಿ ಬೆಳೆಯಲು ಸೂಕ್ತ ಎಂದು ೨೦೧೬ ನೇ ಇಸವಿಯಲ್ಲಿ ರಾಷ್ಟ್ರ ಮಟ್ಟದಲ್ಲಿ ಬಿಡುಗಡೆಮಾಡಲಾಯಿತು. ಈ ತಳಿಯು ಅಧಿಕ ಹಸಿರು ಸೊಪ್ಪಿನ ಇಳುವರಿ (೩೦೧.೬ ಕ್ವಿ/ಹೆ) ಒಣ ಪದಾರ್ಥ (೪೩.೪ ಕ್ವಿ/ಹೆ) ಕಚ್ಚಾಸಸಾರಜನಕ(೭.೫ ಕ್ವಿ/ಹೆ) ಹಾಗೂ ಬೀಜದ ಇಳುವರಿ (೧೦.೫ ಕ್ವಿ/ಹೆ) ಕೊಡುವ ಸಾಮರ್ಥ್ಯತೆ ಹೊಂದಿದ್ದು ಜೊತೆಗೆ ತುಕ್ಕುರೋಗ ಸಹಿಷ್ಣುತೆಯನ್ನು ಹೊಂದಿದೆ.

ಮೇವಿನ ಅಲಸಂದೆ (ತಳಿ ಎಂ.ಎಫ್.ಸಿ 09-3)

ಈ ತಳಿಯನ್ನು ವಲಯ ಕೃಷಿ ಸಂಶೋಧನಾಕೇಂದ್ರ, ವಿ.ಸಿ.ಫಾರಂ, ಮಂಡ್ಯದಲ್ಲಿ ಅಭಿವೃದ್ದಿ ಪಡಿಸಲಾಗಿದ್ದು ಕರ್ನಾಟಕ ರಾಜ್ಯದಎಲ್ಲಾ ಪ್ರದೇಶಗಳಲ್ಲಿ ಬೆಳೆಯಲು ೨೦೨೧ನೇ ಇಸವಿಯಲ್ಲಿ ಬಿಡುಗಡೆಗೊಳಿಸಲಾಯಿತು. ಈ ತಳಿಯು ಹಸಿರು ಸೊಪ್ಪಿನ ಇಳುವರಿ (೩೦೯.೭ ಕ್ವಿ/ಹೆ) ಒಣ ಪದಾರ್ಥ (೮೩.೨ ಕ್ವಿ/ಹೆ) ಮತ್ತು ಕಚ್ಚಾಸ ಸಾರಜನಕದ ಇಳುವರಿ (೧೨.೪ ಕ್ವಿ/ಹೆ) ಕೊಡವ ಸಾಮರ್ಥ್ಯತೆ ಹೊಂದಿರುತ್ತದೆ.

ನೇಪಿಯರ್ ಹುಲ್ಲುತಳಿ (ಬಿಎನ್‌ಹೆಚ್ 10)

ಈ ತಳಿಯನ್ನು ಭೈಫ್ ಸಂಸ್ಥೆ ಪುಣೆ ಮಹಾರಾಷ್ಟçದಲ್ಲಿ ಅಭಿವೃದ್ದಿಪಡಿಸಲಾಗಿದ್ದು ನಮ್ಮ ರಾಜ್ಯಕ್ಕೂ ಸಹ ಸೂಕ್ತವೆಂದು ಗುರುತಿಸಿ ೨೦೧೪ನೇ ಇಸವಿಯಲ್ಲಿ ಶಿಪಾರಸ್ಸು ಮಾಡಲಾಯಿತು. ಈ ತಳಿಯು ಪ್ರತಿ ಹೆಕ್ಟೇರಿಗೆ ಎ ೧೪೩೦ ಕ್ವಿಂಟಾಲ್ ಹಸಿರು ಮೇವಿನ ಇಳುವರಿ ಕೊಡುವ ಸಾಮರ್ಧ್ಯ ಹೊಂದಿದ್ದು ಜಾನುವಾರುಗಳು ತಿನ್ನಲು ಯೋಗ್ಯವಾಗಿದ್ದು ಸುಲಭವಾಗಿ ಜೀರ್ಣವಾಗುವಗುಣ ಹೊಂದಿರುತ್ತದೆ.

ಗಿನಿಹುಲ್ಲುತಳಿ (ಜೆ.ಹೆಚ್.ಜಿ.ಜಿ. 08-01)

ಈ ತಳಿಯನ್ನು ಐಜಿಎಫ್‌ಆರ್‌ಎಸ್,ಜಾನ್ಸಿ ಸಂಸ್ಥೆಯಲ್ಲಿ ಅಭಿವೃದ್ದಿಪಡಿಸಿದ್ದು ನಮ್ಮ ರಾಜ್ಯಕ್ಕೂ ಸಹ ಸೂಕ್ತವೆಂದುಕಂಡು ಬಂದಿದ್ದರಿಂದ೨೦೧೪ನೇ ಇಸವಿಯಲ್ಲಿ ಈ ತಳಿಯನ್ನು ರಾಜ್ಯಕ್ಕೆ ಬಿಡುಗಡೆಗೊಳಿಸಲಾಯಿತು. ಈ ತಳಿಯ ೧೦೦೭ ಕ್ವಿಂಟಾಲ್ ಪ್ರತಿ ಹೆಕ್ಟೇರಿಗೆ ಹಸಿರು ಮೇವಿನ ಇಳುವರಿ ಕೊಡವ ಸಾಮರ್ಥ್ಯತೆ ಹೊಂದಿರುತ್ತದೆ.

ಮೇವಿನ ತೋಕೆ ಗೋದಿ ತಳಿ (ಆರ್.ಓ 11-1)

ಈ ತಳಿಯನ್ನು ಎಂಪಿಕೆವಿ ರಾಹುರಿ, ಮಹಾರಾಷ್ಟ್ರ ಸಂಸ್ಥೆಯಿಂದ ಅಭಿವೃದ್ದಿಪಡಿಸಲಾಗಿದ್ದು ನಮ್ಮರಾಜ್ಯಕ್ಕೆ ಸೂಕ್ತವೆಂದುಕಂಡು ಬಂದಿರುವುದರಿಂದ ೨೦೧೯ನೇ ಇಸವಿಯಲ್ಲಿ ಶಿಪಾರಸ್ಸುಗೊಳಿಸಲಾಯಿತು. ಈ ತಳಿಯ ಅವಧಿಯು ಸುಮಾರು ೫೫ ರಿಂದ ೬೦ ದಿವಸಗಳಾಗಿದ್ದು ಪ್ರತಿ ಹೆಕ್ಟೇರಿಗೆ ೩೮೩ ಕ್ವಿ. ಹಸಿರು ಮೇವು ೮೭.೩ ಕ್ವಿಂಟಾಲ್ ಒಣ ಪದಾರ್ಥ ಹಾಗೂ ೭.೮ಕ್ವಿಂಟಾಲ್‌ಕಚ್ಚಾ ಸಸಾರಜನಕ ಇಳುವರಿ ಕೊಡುವ ಸಾಮರ್ಥತೆ ಹೊಂದಿದೆ.

ಬ. ಮೇವು ಬೆಳೆ ಉತ್ಪಾದನಾ ತಾಂತ್ರಿಕತೆಗಳು

ತೆಂಗಿನತೋಟದಲ್ಲಿ ಮೇವಿಗಾಗಿ ಅಲಸಂದೆ ನಂತರ ಹಿಂಗಾರಿನಲ್ಲಿ ಕುದುರೆಮಸಾಲೆ ಬೆಳೆಯುವುದರಿಂದ ಅಧಿಕ ಹಸಿರು ಸೊಪ್ಪು (೬೫೦ ಕ್ವಿ/ಹೆ) ಒಣ ಪದಾರ್ಥ (೧೪೯ ಕ್ವಿ/ಹೆ)ಹಾಗೂ ಕಚ್ಚಾ ಸಸಾರಜನಕದ (೨೬ಕ್ವಿ/ಹೆ)ಇಳುವರಿ ಪಡೆಯಬಹುದು.
ಎರಡುಜೋಡಿ ಸಾಲು ಅಗಸೆ ಬೆಳೆಯ ನಡುವೆ (೧ಮೀ ಅಂತರ) ಒಂದು ಸಾಲು ನೇಪಿಯರ್ ಹುಲ್ಲನ್ನು ಬೆಳೆಯುವುದರಿಂದ ಅಧಿಕ ಹಸಿರು ಮೇವಿನ ಇಳುವರಿ(೬೦೨ ಕ್ವಿ/ಹೆ),ನಿವ್ವಳಆದಾಯ(ರೂ,೫೨,೯೭೫/ಹೆ)ಹಾಗೂ ಆದಾಯ:ವ್ಯಯ (೨.೨೩) ಪಡೆಯಬಹುದು ಅಥವಾ ೨ ಮೀ ಅಂತರದ ಎರಡು ಜೋಡಿ ಸಾಲು ಅಗಸೆ ಬೆಳೆ ನಡುವೆ ೧ ಅಡಿ ಅಂತರದಲ್ಲಿ ೬ ಸಾಲು ಬಹು ಕಟಾವು ಮೇವಿನ ಜೋಳವನ್ನು ಬೆಳೆಯುವುದರಿಂದ ಹಸಿರುಮೇವು (೫೯೧ ಕ್ವಿ/ಹೆ), ಒಣ ಪದಾರ್ಥ (೧೦೭ ಕ್ವಿ/ಹೆ), ಕಚ್ಚಾಸಸಾರಜನಕ (೧೩ ಕ್ವಿ/ಹೆ) ಹಾಗೂ ನಿವ್ವಳ ಆದಾಯ (೪೬೩೯೩ ರೂ/ಹೆ) ಪಡೆಯಬಹುದು.
ವರ್ಷಪೂರ್ತಿ ಹಸಿರು ಮೇವು ಉತ್ಪಾದನಾ ಬೆಳೆ ದ್ದತಿಯಲ್ಲಿ ಎರಡುಜೋಡಿ ಸಾಲು ನೇಪಿಯರ್ ಹುಲ್ಲಿನ ನಡುವೆ ೬ ಸಾಲು ಕುದುರೆ ಮಸಾಲೆಯನ್ನು ಸಾಲಿನಿಂದ ಸಾಲಿಗೆ ೧ ಅಡಿ ಅಂತರದಲ್ಲಿ ಬೆಳೆಯುವುದರಿಂದ ಅಧಿಕ ಹಸಿರು ಸೊಪ್ಪು (೧೬೭೯ ಕ್ವಿ/ಹೆ), ಒಣ ಪದಾರ್ಥ (೩೬೮ ಕ್ವಿ/ಹೆ) ಕಚ್ಚಾ  ಸಸಾರಜನಕ ಇಳುವರಿ (೪೪ ಕ್ವಿ/ಹೆ) ಪಡೆಯಬಹುದು ಹಾಗೂ ಅಧಿಕ ನಿವ್ವಳ ಲಾಭ (ರೂ. ೧೫೪, ೪೭೫/ಹೆ) ಹಾಗೂ ಆದಾಯ ವ್ಯಯ (೨.೯೩) ಪಡೆಯಬಹುದು ಅಥವಾಕುದುರೆ ಮಸಾಲೆ ಬೆಳೆಯ ಬದಲಾಗಿ ಮೇವಿಗಾಗಿ ಅಲಸಂದೆಯನ್ನು ಅಂತರ ಬೆಳೆಯಾಗಿ ಬೆಳೆಯುವುದರಿಂದ ಹಸಿರು ಸೊಪ್ಪು (೧೪೯೨ ಕ್ವಿ/ಹೆ), ಒಣ ಪದಾರ್ಥ (೩೨೨ ಕ್ವಿ/ಹೆ) ಕಚ್ಚಾ ಸಸಾರಜನಕ (೩೮ ಕ್ವಿ/ಹೆ)ಹಾಗೂನಿವ್ವಳ ಆದಾಯ(೧,೨೯,೩೯೦ರೂ/ಹೆ)ಪಡೆಯಬಹುದು.
ಅರಣ್ಯ-ಮೇವುಬೆಳೆಗಳ ಉತ್ಪಾದನಾ ಪದ್ದತಿಯಲ್ಲಿ ಎರಡು ಸಾಲು ಸುಬಾಬುಲ್‌ಗಿಡದ ನಡುವೆ (ಸಾಲಿನಿಂದ ಸಾಲಿಗೆ ೬ ಅಡಿ ಅಂತರ ಹಾಗೂ ಗಿಡದಿಂದಗಿಡಕ್ಕೆ ೩ ಅಡಿ ಅಂತರ) ಮೇವಿನ ಸಜ್ಜೆ + ಹುರುಳಿಯನ್ನು (೩:೧)ರ ಅನುಪಾತದಲ್ಲಿ ಬೆಳೆಯುವುದರಿಂದ ಅಧಿಕ ಹಸಿರು ಮೇವಿನ ಇಳುವರಿ (೪೧೧ ಕ್ವಿ/ಹೆ), ಒಣ ಪದಾರ್ಥ (೮೮ ಕ್ವಿ/ಹೆ), ನಿವ್ವಳ ಆದಾಯ (೨೨,೦೦೯ ರೂ/ಹೆ) ಹಾಗೂ ಆದಾಯ:ವ್ಯಯ (೨.೮೭) ಪಡೆಯಬಹುದು.
ಮುಂಗಾರು ಭತ್ತದ ಬೆಳೆಯ ನಂತರ ಬೇಸಿಗೆಯಲ್ಲಿ ಮೇವಿಗಾಗಿ ಮುಸುಕಿನ ಜೋಳ +ಅಲಸಂದೆಯನ್ನು(೩:೧ಸಾಲುಗಳ ಅನುಪಾತದಲ್ಲಿ)ಶಿಫಾರಸ್ಸಿನಂತೆ ಶೇ.೧೦೦ರಷ್ಟು ಪೋಷಕಾಂಶಗಳನ್ನು ಬಳಸುವುದರಿಂದ ಅಧಿಕ ಹಸಿರು ಮೇವಿನ ಇಳುವರಿ (೪೬೫ ಕ್ವಿ/ಹೆ) ಹಾಗೂ ಒಣ ಪದಾರ್ಥ (೧೧೪ ಕ್ವಿ/ಹೆ) ಪಡೆಯಬಹುದು.
ಮೇವಿನ ಅಭಾವ ಸಂದರ್ಭದಲ್ಲಿ ಹಾಗು ನೀರಾವರಿ ವ್ಯವಸ್ಥೆಕಡಿಮೆ ಇದ್ದಲ್ಲಿ ಮೇವಿಗಾಗಿ ಸಜ್ಜೆಯನ್ನು ಬೆಳೆಯುವುದರಿಂದ ನೀರಿನ ಬಳಕೆಯ ಸಾಮರ್ಥ್ಯವನ್ನು(೧೪ಕ್ವಿ/ಹೆಸೆಂ.ಮಿ) ಹೆಚ್ಚಿಸಬಹುದು. ಮುಸುಕಿನ ಜೋಳವನ್ನು ಬೇಬಿಕಾರ್ನ್ಗಾಗಿ ಬೆಳೆಯುವುದರಿಂದ ಮೇವಿನ ಇಳುವರಿ ಜೊತೆಗೆಅಧಿಕ ನಿವ್ವಳ ಲಾಭ (೪೬,೫೭೬ ರೂ/ಹೆ) ಮತ್ತು ಆದಾಯ:ವ್ಯಯ (೩:೬೫) ಪಡೆಯಬಹುದು.
ಚೌಳು ಹಾಗೂ ಕ್ಷಾರ ಮಣ್ಣಿನಲ್ಲಿ ಬಸಿಗಾಲುವೆ ತೆಗೆಯುವುದರ ಜೊತೆಗೆ ಶಿಪಾರಸ್ಸಿನ ರಸಗೊಬ್ಬರ+ಕೊಟ್ಟಿಗೆಗೊಬ್ಬರ (೧೦ ಟನ್/ಹೆ) + ಸತುವಿನ ಸಲ್ಪೇಟ್ ೨೦ ಕೆ.ಜಿ/ಹೆ ಹಾಗೂ ಜಿಪ್ಸಂ ಲವಣ (೫ಟನ್/ಹೆ) ಬಳಸುವುದರಿಂದ ಮೇವಿನ ಜೋಳದ ಬೆಳೆಯಲ್ಲಿ ಅಧಿಕ ಹಸಿರು ಮೇವು (೨೫೨ ಕ್ವಿ/ಹೆ), ಒಣ ಪದಾರ್ಥ (೬೮ ಕ್ವಿ/ಹೆ) ಕಚ್ಚಾ ಸಸಾರಜನಕ (೫ ಕ್ವಿ/ಹೆ) ಹಾಗೂ ನಿವ್ವಳ ಆದಾಯ (೮೫೩೫ ರೂ./ಹೆ) ಪಡೆಯಬಹುದು ಅಥವಾ ಶಿಫ್ಪಾರಸ್ಸಿನ ರಸಗೊಬ್ಬರಗಳ ಜೊತೆಗೆ ಸತುವಿನ ಸಲ್ಪೇಟ್ ಹಾಗೂ ಜಿಪ್ಸಂ ಲವಣಕ್ಕೆ ಬದಲಾಗಿ ಸಕ್ಕರೆ ಕಾರ್ಖಾನೆ ತ್ಯಾಜ್ಯವಾದ ಮಡ್ಡಿಗೊಬ್ಬರ ಬಳಸುವುದರಿಂದ ಅಧಿಕ ಆದಾಯ:ವ್ಯಯ (೧.೬೦) ಪಡೆಯಬಹುದು.
ಮೇವಿನ ಓಟ್ಸ್ ಬೆಳೆಯಲ್ಲಿ ಅಧಿಕ ಇಳುವರಿಗಾಗಿ ಹೆಕ್ಟೇರಿಗೆ ೧೦೦ ಕೆ.ಜಿ ಬಿತ್ತನೆ ಬೀಜವನ್ನು ಬಳಸಿ ೨೫ ಸೆಂ.ಮೀ ಅಂತರ ಸಾಲುಗಳಲ್ಲಿ ಬಿತ್ತನೆ ಮಾಡಿ ಶಿಫ್ಪಾರಸ್ಸಿನಂತೆ (೧೦೦:೬೦:೪೦ ಸಾ:ರಂ:ಪೋ ಕೆಜಿ/ಹೆ) ರಸಗೊಬ್ಬರ ಬಳಸುವುದು ಸೂಕ್ತ.
ಜಲಕೃಷಿ ಮೇವು ಉತ್ಪಾದನೆ ಪರಿಸ್ಥಿತಿಯಲ್ಲಿ ಮುಸುಕಿನ ಜೋಳ ಹಾಗೂ ಅಲಸಂದೆಯನ್ನು ಪ್ರತಿ ಚದರಅಡಿಗೆ ೩೦೦ ಗ್ರಾಂ. ಬಿತ್ತನೆ ಬೀಜ ಬಳಸಿ ಬಿತ್ತಿದ ೧೧ ರಿಂದ ೧೩ ದಿವಸಗಳಲ್ಲಿ ಕೊಯ್ಲು ಮಾಡುವುದರಿಂದ ಪ್ರತಿಕೆಜಿ ಬೀಜದಿಂದ ೫.೫ ಕೆ.ಜಿ ಯಿಂದ ೭.೦ ಕೆ.ಜಿ ಉತ್ತಮ ಗುಣಮಟ್ಟದ ಹಸಿರು ಮೇವನ್ನು ಬಿತ್ತಿದ ೧೧ ದಿವಸಗಳಲ್ಲಿ ಪಡೆಯಬಹುದು.
ಎರಡು ಸಾಲು ನೇಪಿಯರ್ ಹುಲ್ಲಿನ ನಡುವೆ ಮುಂಗಾರಿನಲ್ಲಿ ಅಲಸಂದೆ ತದನಂತರ ಹಿಂಗಾರು ಹಂಗಾಮಿನಲ್ಲಿ ಕುದುರೆ ಮಸಾಲೆ ಬೆಳೆಯುವುದರಿಂದ ಹಸಿರು ಮೇವು (೧೪೭ ಟನ್/ಹೆ), ಒಣ ಪದಾರ್ಥ (೩೧ ಕ್ವಿ/ಹೆ) ಹಾಗೂ ಕಚ್ಚಾ ಸಸಾರಜನಕ (೩.೩ಟನ್/ಹೆ) ಪಡೆಯಬಹುದು.
ಮಳೆಯಾಶ್ರಿತ ಪ್ರದೇಶದಲ್ಲಿ ಅಂಜನ್ ಹುಲ್ಲಿನ ನಡುವೆ ಹಮಾಟ (೩:೧)ರ ಅನುಪಾತದಲ್ಲಿ ಬೆಳೆಯುವುದರಿಂದ ಅಧಿಕ ಹಸಿರು ಮೇವನ್ನು ಪಡೆಯಬಹುದು.
ಮೇವಿನ ಮುಸುಕಿನ ಜೋಳ+ ಅಲಸಂದೆಯನ್ನು (೩:೧)ರ ಅನುಪಾತದಲ್ಲಿ ಬೆಳೆಯುವುದರಿಂದ ಉತ್ತಮ ಗುಣಮಟ್ಟದ ಹಸಿರು ಮೇವನ್ನು(೫೩೧ ಕ್ವಿಂಟಾಲ್/ಹೆಕ್ಟೇರ್) ಪಡೆಯಬಹುದು.
ತೆಂಗಿನ ತೋಟದಲ್ಲಿ ತೆಂಗಿನ ಮರದ ಬುಡದಿಂದ ೫ ಅಡಿ ಅಂತರ ಬಿಟ್ಟು ನಡುವೆಇರುವ ಸ್ಥಳದಲ್ಲಿ ಸಾಲಿನಿಂದ ಸಾಲಿಗೆ ೩ ಅಡಿ ಅಂತರದಲ್ಲಿ ನೇಪಿಯರ್ ಹುಲ್ಲು ಬೆಳೆಯುವುದರಿಂದ ಹೆಚ್ಚುವರಿಯಾಗಿ ಹಸಿರು ಮೇವು (೬೫ ಟನ್/ಹೆ), ಒಣಪದಾರ್ಥ (೧೩ ಟನ್/ಹೆ), ಕಚ್ಚಾ ಸಸಾರಜನಕ (೦.೯ ಟನ್/ಹೆ) ಇಳುವರಿ ಪಡೆಯಬಹುದು ಹಾಗೂ ನಿವ್ವಳ ಲಾಭ (ರೂ. ೩೦೪೬೩/ಹೆ) ಗಳಿಸಬಹುದು.

· ಸಂಶೋಧನೆ ಕೈಗೊಳ್ಳಲು ಸೌಕರ್ಯಗಳ ಲಭ್ಯತೆ

· ವಿವಿಧ ಮೇವಿನ ಬೆಳೆಗಳ ತಳಿಗಳು

· ಗಿರಿಜನ ಅಭಿವೃದ್ದಿಯೋಜನೆಯ ಕಾರ್ಯ ಕ್ರಮಗಳನ್ನು ಕಾರ್ಯಗತಗೊಳಿಸುವುದು

· ಮೇವು ಬೆಳೆಗಳ ತಳಿಗಳು ಹಾಗೂ ಉತ್ಪಾದನಾ ತಾಂತ್ರಿಕತೆಗಳ ಪ್ರಾತ್ಯಕ್ಷಿಕೆ ತರಬೇತಿ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳುವುದು

ಬಾಹ್ಯಅನುದಾನಿತ ನಿಯೋಜನೆಗಳು