ಮಣ್ಣು ವಿಜ್ಞಾನ ಮತ್ತು ಕೃಷಿ ರಸಾಯನ ಶಾಸ್ತ್ರ ವಿಭಾಗ

ಮಣ್ಣು ವಿಜ್ಞಾನ ಮತ್ತು ಕೃಷಿ ರಸಾಯನ ಶಾಸ್ತ್ರ ವಿಭಾಗದಲ್ಲಿ ೨೦೧೩-೧೪ ರಿಂದ ಸ್ನಾತಕೋತ್ತರ ಪದವಿ ಹಾಗೂ ೨೦೨೧-೨೨ ರಿಂದ ಪಿ.ಹೆಚ್ಡಿ ಪದವಿಯನ್ನು ಪ್ರಾರಂಭಿಸಲಾಗಿದೆ. ಜೊತೆಗೆ ಸ್ನಾತಕ ಹಾಗೂ ಡಿಪ್ಲೊಮಾ (ಕೃಷಿ) ಸಂಬಂಧಿತ ಪಠ್ಯ ಕ್ರಮಗಳನ್ನು ಬೋಧಿಸಲಾಗುತ್ತಿದೆ. ಈ ವಿಭಾಗವು ಬೋಧನೆ, ಸಂಶೋಧನೆ ಹಾಗೂ ವಿಸ್ತರಣಾ ಕಾರ್ಯ ಚಟುವಟಿಕೆಗಳಿಗೆ ಪೂರಕವಾದ ವಿಶೇಷ ಸೌಲಭ್ಯಗಳನ್ನು ಹೊಂದಿರುತ್ತದೆ. ಅದರಲ್ಲಿ ಪ್ರಮುಖವಾಗಿ ಸ್ನಾತಕ ವಿದ್ಯಾರ್ಥಿಗಳ ಬೋಧನೆ ಹಾಗೂ ಸ್ನಾತಕೋತ್ತರ ವಿದ್ಯಾರ್ಥಿಗಳ ಸಂಶೋಧನೆಗೆ ಪ್ರತ್ಯೇಕ ಆಧುನಿಕ ಪ್ರಯೋಗಾಲಯ ಹೊಂದಿದ್ದು. ಜೊತೆಗೆ ಸುಸಜ್ಜಿತ ಕೇಂದ್ರೀಯ ಉಪಕರಣ ಪ್ರಯೋಗಾಲಯದ ಸೌಲಭ್ಯವಿದೆ. ಉತ್ತಮಗುಣಮಟ್ಟದ ಮಾನವ ಸಂಪನ್ಮೂಲ ಅಭಿವೃಧ್ಧಿ, ಸಮಸ್ಯಾಧಾರಿತ ಸಂಶೋಧನೆ, ತಂತ್ರಜ್ಞಾನ ಅಭಿವೃಧ್ಧಿ, ರೈತರಿಗೆ ಮಣ್ಣು, ನೀರು ಮತ್ತು ಸಸ್ಯ ಪರೀಕ್ಷೆಆಧಾರಿತ ಸಲಹೆ ಹಾಗೂ ಶಿಫಾರಸ್ಸು ನೀಡುವ ನಿಟ್ಟಿನಲ್ಲಿ ವಿಭಾಗವುಕಾರ್ಯನಿರ್ವಹಿಸುತ್ತಿದ್ದು, ಕೆಳಗಿನ ನಿರ್ದಿಷ್ಟ ಉದ್ದೇಶಗಳನ್ನು ಹೊಂದಿದೆ.

• ವಿದ್ಯಾರ್ಥಿಗಳಿಗೆ ಆಸಕ್ತಿ ಆಧಾರಿತ ಪಠ್ಯಕ್ರಮಗಳ ಬೋಧನೆ, ಸಮಸ್ಯಾಧಾರಿತ ಆಧುನಿಕ ಸಂಶೋಧನೆಗಳನ್ನು ಕೈಗೊಳ್ಳುವ ಅವಕಾಶ ಕಲ್ಪಿಸುವುದು
• ವಿದ್ಯಾರ್ಥಿಗಳಲ್ಲಿ ಬೋಧನೆ, ಸಂಶೋಧನೆ ಹಾಗೂ ವಿಸ್ತರಣಾ ಕೌಶಲ್ಯಗಳನ್ನು ರೂಪಿಸುವುದು
• ಮಣ್ಣು ವಿಜ್ಞಾನ ಕ್ಷೇತ್ರದಲ್ಲಿ ವೃತ್ತಿಪರತೆ, ಹಾಗೂ ಉದ್ಯಮಶೀಲತೆಯ ಗುಣಮಟ್ಟವನ್ನು ವೃದ್ಧಿಸುವುದು

ಸಿಬ್ಬಂದಿ